Special-K

Pulsur

Mon, 28 Apr 2008 20:29:09 GMT

Ég er búin að missa trúna á mannkynið!

Þannig er mál með vexti að ég fékk ísskáp þegar ég flutti sem var með engum frysti, svo um áramótin keypti ég ísskáp með frysti af bróður mínum. Þar sem ég hef EKKERT að gera með tvo ísskápa lét ég orðið berast að ég ætti ísskáp sem ég þyrfti að losna við. Hann Jón móður/ömmubróðir minn hringir þá í mig og segir mér að hann eigi vin sem vantar ísskáp. Síðan var ógó mikið vesen að fá gaurinn til að sækja blessaðan ísskápinn.

Svo líða fjórir mánuðir og ég er alltaf að geyma helv#*!& ísskápinn. Loksins á föstudaginn kemur svo kallinn til að sækja ísskápinn, n.b. þessi maður er kominn alveg vel yfir sjötugt. Hann kemur með frænda mínum, tekur í hendina á mér, ber ísskápinn úr í sendiferðabílinn oooog KEYRIR SVO BARA Í BURT! Stingandi frænda minn af og ekki borgandi mér!! Hvaða rugl er það!

- ReiðaKolla :evil:

Ostasalat

Tue, 18 Mar 2008 20:55:43 GMT

Ég var um daginn í vinnunni í hádegismat... flestir við borðið voru farnir (thank god!) en nokkrir samt eftir. Hildur vinkona fer þá að segja frá helginni sinni, hún fór með kallinum í Hvalfjörðinn og þau gistu þar á hóteli. Samtalið var einhvern veginn svona:

Hildur: "Þetta hótel var ekkert smá æðislegt þarna í Hvalfirðinum."
Einhver: "Er þetta ekki þarna framhjáhaldshótelið?"
Hildur: "Jú, einmitt... það hefur eitthvað verið þekkt fyrir að fólk fari þangað til að halda framhjá."
Ég: "Bíddu, hvað heitir þetta hótel eiginlega??"
Hildur: "Hótel Glymur."
Ég: "Ha, hvað sagðirðu?"
Hildur: "Hótel Glymur."
Ég: "HA... HÓTEL LIMUR!!??"

Til að orða þetta pent, þá sprungu ALLIR úr hlátri, ég gerði mig að athlægi og þurfti að þola komment um hversu mikið ég þyrfti á... aðstoð karlmanna að halda.

- VandræðaKolla

Bloggið lifir!!

Sun, 09 Mar 2008 15:30:57 GMT

Sæl öllsömul!

Ég er í Hveragerði þessa stundina að gera ekki neitt og slúðra með henni Gullu systur. Ég er búin að fara tvisvar út að borða í vikunni, það var gott nammi namm! Smakkaði kengúrukjöt og elgs carpaccio meðal annars. Svo fór ég líka í keilu, ég og cilia vorum alveg að meikaða, okkur gekk reyndar ekkert rosalega vel en við erum líka bara of svalar fyrir svona leiki. 8) Ég er líka að fara í leikhús á mánudaginn að berja augum Gael García Bernal ofurhönk :haha:

Ég er að fara til Berlínar í sumar í fimm daga með Jóni Úlfi og Dillu sætu frænku.

- Ofurbloggkolla

Súkkulaðiís

Wed, 19 Sep 2007 22:49:54 GMT

Hola!

Ég, Jón Úlfur og mamma fórum til Tenerife 3. til 17. júlí. Við gerðum nú ekki mikið á þessum tveim vikum, fórum í ógó flottan dýragarð, fórum í vatnsrennibrautagarð (fór í enga rennibraut af því að Jón þorði ekki með mér), fórum nokkrum sinnum á ströndina og mikið í sundlaugagarðinn. Að lokum borðuðum við fullt af ís og fórum fullt út að borða mmm... Læt myndirnar bara tala sínu máli 8)

http://viewmorepics.myspace.com/index.cfm?fuseaction=user.viewPicture&friendID=76127554&albumId=1271322

-KolBrún

Döðlur

Fri, 14 Sep 2007 21:48:08 GMT

Jæja, held að það sé kominn tími á eitt stk. blogg. Eftirfarandi er ég búin að gera síðan ég bloggaði síðast:

Fara til útlanda.
Flytja að heiman.
Fara á tónleika.
Gæsa hana Ciliu.
Fara í brúðkaup.
Fá mér gat í augabrúnina.
Halda upp á afmæliið hans Jóns Úlfs.
Hitta Kjartan bróður minn aftur eftir 3 ár.
Fá tvisvar kvef.

Mun ég á næstu dögum setja inn blogg (og mögulega myndir) um hvern atburð fyrir sig. Bíðið spennt! :D

-PönkKolla

Leður og sviti

Tue, 05 Jun 2007 19:06:24 GMT

Var að lesa í fréttablaðinu að sjálfur leðurbarkinn Chris Cornell ætlar að skella sér á klakann og halda tónleika í sept. :haha: Heyrst hefur að kappanum dauðlangi til þess að hljóta hinn eftirsótta titil "Íslandsvinur". Ég og jóhanna munum að sjálfsögðu skella okkur og berja unaðslega rokkgoðið augum -slef-. Hver vill líka fara, rétt upp hönd! ;)

kv. RokkKolla

Stjörnusnakk

Sun, 13 May 2007 15:44:35 GMT

Ég fór um daginn í IKEA með henni Jóhönnu minni. Eftir tvo tíma af húsgagnaskoðeríi og pulsuáti var komið nóg og við ákváðum að halda heim á leið. Við fengum okkur nú samt eins og eina sígó á bílastæðinu áður en við fórum. Þegar ég er að reykja í mestu makindum verður mesti ótti minn að veruleika! Ég heyri hið óhugnanlegasta suð sem hugsast getur upp við eyrað. Þá kikkar sjálfsbjargarhvötin inn og líkaminn tekur öll völd. Með þessum ógnarhröðu og óviðráðanlegu viðbrögðum kasta ég sígarettunni frá mér og tek á sprett í burt frá skelfilega suðinu og í leiðinni hrindi ég Jóhönnu í suðáttina. 8|

Þarna komumst við báðar að því að ég er ekki manneskjan sem maður vill hafa með sér í lífsháska. Mín ósjálfráðu viðbrögð eru greinilega að bjarga mér á kostnað annarra. Fight or flight (Berjast eða flýja), þá er ég eru mín viðbrögð greinilega að flýja. :$

Þess má þó geta að Jóhanna slapp algerlega ósködduð úr þessum hamförum og uppruni suðsins ógnarlega (geitungurinn sjálfur) sást aldrei. ;)

- SjálfsbjargarKolla

P.s. lesendur góðir, þið eruð engan veginn nógu duglegir að kvitta fyrir ykkur. Af þeim 192 sem hafa kíkt á síðuna síðustu 13 dagana hafa fjórir kvittað oooog þar af einn nafnlaust.

p.p.s. er búin að bæta við nokkrum myndum af íbúðinni minni. Ath. ég er ekki búin að fá afhent og á eftir að breyta ýmsu.

Vorboðinn ljúfi

Tue, 01 May 2007 23:43:50 GMT

Núna er vorið komið! Ekki af því að sumardagurinn fyrsti er liðinn, ónei. Ekki af því að það er komin græn slikja á túnin, ónei. Ég veit alltaf hvenær vorið er komið af alvöru, af því að þá fyllist maður gleði og húðin mín ákveður að springa út með blómunum!

Í alvöru, ekki sanngjarnt að eiga húð sem ræður sér ekki af fagnaðarlátum yfir vorinu og ákveður að sýna hvað hún er ung í anda með því að rækta klasa af bólum hingað og þangað. :frown:

-BóluKolla

p.s. þegar þetta er skrifað eru 4602 búinir að skoða bloggið mitt og þar af 11 í dag... kvittið fyrir ykkur fólk, ég vil vita hverjir eru að lesa! :S

Brauðstangir og sósa

Thu, 26 Apr 2007 21:33:07 GMT

Í dag skrifaði ég undir tuttugu blöð og eyddi níuhundruð tuttugu og átta þúsund eitthundrað og tuttugu krónum (skrifað 928.120 kr.).

Í dag eignaðist ég íbúð 8)

-HúseigendaKolla

Myndir

Sun, 15 Apr 2007 19:31:49 GMT

Búin að bæta inn myndum, m.a. af nýja tattooinu sem ég fékk á föstudaginn. Nær frá mitti og niðrá mjöðm/læri, gert fríhendis á tveim tímum af Mike Santini.

-TattooKolla

Need brain food

Sat, 31 Mar 2007 19:07:41 GMT

Í gær kláraðist klósettpappírinn heima hjá mér. Þar sem innkaup og þess háttar eru á mína ábyrgð fór ég útí búð eftir vinnu í gær til að kaupa meðal annars téðan klósettpappír. Þegar ég kom heim leit búðarkvittunin svona út:

Sauðabrie (varð að smakka, finnst reyndar svolítið duló að osturinn á að vera úr sauðamjólk, en eins og glöggir lesendur vita eru sauðir karlkyns :$ ).
Nóa páskaegg nr. 5
2 x Nóa páskaegg nr. 3
Súkkulaði ostakaka
Borat á DVD :haha:
3 x léttmjólk
Grillaður kjúklingur
2 pakkar af skyndihafragraut með eplum og kanil
kexpakki

Tókuð þið eftir þessu... eeeenginn klósettpappír. Jæja, ég þurfti að fara í Smáralind með Jóni Úlfi í dag til að kaupa afmælisgjöf handa vinkonu sinni (og kærustu) sem á afmæli á morgun. Tilvalið að kippa með sér eins og nokkrum rúllum af klósettpappír í leiðinni, hugsaði ég. Núna var ég að koma heim eftir 3 tíma í Smáralind. Aftur fór ég í Hagkaup og núna lítur strimillinn svona út:

Regnhlíf, glær, barna
Cherry tómatar
Baby romain salat
bláber
Guns and Roses, greatest hits 8)
Engifer
Furuhnetur
Jarðarber
Best of Nirvana 8)
Cashew hnetur

Aftur, enginn klósettpappír. Mér finnst mesta furða að ég skyldi hafa munað eftir að taka Jón með mér heim úr búðinni. Næsta skref er að trítla með dagblöð inn á klósett meðan ég læt mig dreyma um e-vítamínbættan, ilmklósettpappír með fallegum myndum; fara út í búð á morgun og vona að ég komi heim með eitthvað af viti. 8|

- Kolla Viðutan

P.s. ég og Jón erum að fara í tvær vikur til Tenerife (sem er á Kanarí jú nó) í sumar... vúhú!

Bíópopp

Mon, 26 Mar 2007 21:30:31 GMT

Ef einhverjum langar í Subaru Imprezu (árg. '96, ek. 113 þús.,2000) á svona 390 kall má hinn sami hafa samband. 8)

-BílaKolla

Marengsterta

Wed, 14 Mar 2007 22:12:30 GMT

Í dag var góður dagur... í dag vann ég sex hvítvínsflöskur í vinnunni! Ég átti eina hvítvín fyrir og svo tvær freyðivínsflöskur... svo núna á ég SJÖ hvítvín og TVÆR freyðivín. Ef ég bæti við eins og einni bjórkippu er ég bara góð amk út árið!

Svo er ég að fara í afmæli næstu helgi til hennar Camillar... hlakka ógó mikið til! Ætli hún fái ekki bara hvítvín í afmælisgjöf 8)

Mike tattoosnillingur er væntanlegur til landsins fljótlega... ætla að fá mér eitthvað svakasmart tattoo. Er að hugsa um eitthvað í sambandi við stjörnur... kannski svona stjörnuþoku með stjörnumerki í.... fattiði mig?!?

kv. VínKolla

Minning

Fri, 23 Feb 2007 21:14:22 GMT

Varúð: þessi færsla er full af bæði neikvæðni og sjálfsvorkunn. Vinsamlegast hafið það í huga áður en lesið er lengra.

Síðasta mánuðinn hef ég óskað þess heitast að vera lítil stelpa aftur og geta skriðið í fangið á pabba mínum og beðið hann að lesa fyrir mig bók, syngja fyrir mig eða bara halda utan um mig.

Pabbi minn var með stórt hjarta og átti erfitt með að segja nei við fólk, það var þetta stóra hjarta hans sem á endanum varð honum að falli. Hann var veikur fyrir hjarta í fjölda ára þar til hjartað hans á endanum gaf sig. Hann var orðinn óskaplega þreyttur undir það síðasta, enda ekki auðvelt að vera hress og lífsglaður í hrumum líkama. Hann gat ekki lengur farið á hestbak eða sinnt sínum búskap sem hefur verið hans líf og yndi síðan hann var strákur. Hann ákvað sjálfur í samráði við lækna sína eftir aðgerðina sem hann fór í að ekki yrði gripið neinna 'agressívra aðgerða' eins og læknirinn orðaði það. Hjúkkurnar voru ekki sparar á morfínið, svo honum leið ekki illa þessa síðustu daga. Hann var með meðvitund lengst af og þekkti bæði mig og systur sínar sem vorum hjá honum.

Pabbi minn fylgdist alltaf óskaplega vel með fréttum og því sem var að gerast í heiminum. Það kom einna best í ljós þegar við vorum á spítalanum að þrátt fyrir að eiga erfitt með öndun og tal langaði honum bæði til að vita hvernig handboltaleikurinn hefði farið sem var kvöldið áður og hvort Grundarfjörðurinn (þar sem Lauga föðursystir mín býr) væri ennþá fullur af síld.

Að lokum sofnaði hann. Þó að líkaminn hafi haldið áfram að anda í tæpa 12 tíma eftir það held ég að hann hafi þá loksins fengið frið og farið enda voru þá allir sem skiptu mestu máli í lífi hans búnir að koma til hans og vera hjá honum.

Þessir dagar sem ég var á spítalanum hjá honum voru þeir erfiðustu sem ég hef lifað. Í hvert sinn sem ég keyrði á spítalann til hans, ósofin og svo óskaplega þreytt, þráði ég ekkert heitar en að geta flogið burt, sofið endalaust án þess að dreyma. Dagana sem komu á eftir hef ég aldrei haft meira að gera en nokkurn tíma á ævinni. Það var samt gott að hafa annað að hugsa um og geta gleymt sér í verkefnunum sem fylgdu á eftir. Það þurfti að tæma íbúðina hans, ganga frá dótinu og koma því sem ég ætlaði að eiga í geymslu, skipuleggja útförina, skipuleggja erfidrykkjuna, ganga frá allri pappírsvinnunni (sem er btw. ekkert smá mikil). Á endanum gafst ég samt upp, þetta var bara of mikið. Föðursystir mín bauðst til að sjá um erfidrykkjuna og ég réði mér lögfræðing til að ganga frá pappírunum.

Útförin var óskaplega falleg. Ein sú fallegasta og friðsælasta stund sem ég hef upplifað.

Það var rosalega gaman líka að hitta föðurfjölskylduna mína í erfidrykkjunni sem ég hef haft sorglega lítið samband við í gegnum árin. Flestir hrósuðu mér í bak og fyrir fyrir að hafa skipulagt þetta allt saman og gengið svona vel með það. Það er hrós sem mér finnst ég ekki eiga skilið. Það leið ekki sú stund sem ég vildi ekkert heitar en að kasta mér upp í rúm og garga, 'ég get ekki meir, ég er bara búin, mig langar ekki til að gera þetta og ég nenni þessu ekki lengur'. En það virkar víst bara ekki þannig.

http://www.mbl.is/mm/mogginn/andlat_formali.html?id=1129922

Salthnetur

Fri, 26 Jan 2007 21:24:40 GMT

Vildi vekja athygli ykkar á nýjungum á blogginu mínu.

1. Bæst hefur við myndaalbúm sem má finna hér neðst á vinstri hönd. Þar er þó aðeins ein mynd af mér þar sem blog.central.is kerfið virðist ekki taka við JPEG eða JPG myndum. En myndin sem um ræðir er GIF og sleppur því í gegn. Sem er kannski eins gott þar sem þetta er undurfögur mynd af yours truly, tekin og endurbætt af henni Ciliu minni.

2. Hef ákveðið að hafa smá reglu á blogginu mínu, nýtt blogg mun ekki birtast fyrr en búið er að commenta á fyrra blogg.

- MyndaKolla